Azərbaycanın qeyri-neft sektorunun inkişafı iqtisadi dayanıqlılığın əsas şərtlərindəndir. Məqalədə 2010–2024-cü illər üzrə qeyri-neft ÜDM-nin dinamikası, ixracın məhsul və bazar strukturu, kənd təsərrüfatı və emal sənayesinin rolu təhlil edilmişdir. Tədqiqatda orta illik artım tempi, struktur dəyişmə göstəriciləri və Herfindahl-Hirschman indeksi tətbiq olunmuşdur. Müəyyən edilmişdir ki, qeyri-neft ixracı artsa da, məhsul və coğrafi diversifikasiya məhduddur. Rəqabətqabiliyyətin artırılması üçün texnoloji yenilənmə, innovasiya, insan kapitalı, logistika, sertifikatlaşdırma və qlobal dəyər zəncirlərinə inteqrasiya əsas istiqamətlər kimi əsaslandırılmışdır.